Алматы қаласының ҚХА Достық үйі негізінде қоғамдық қабылдауды ұйымдастырмақ

16.01.2019 584

Алматы қаласындағы Достық үйінде ҚХА Қоғамдық келісім кеңесінің алғашқы отырысы өтті. Іс-шараға Алматы қалалық ҚХА хатшылығы, Алматы қаласы әкімі аппаратының «Қоғамдық келісім» КММ, этномәдени бірлестіктердің жетекшілері, ҚР Президенті жанындағы «Қоғамдық келісім» РММ жұмысын қамтамасыз ету қызметі, «Ынтымақ» депутаттық тобы, Алматы қаласы ҚХА құрылымдық бөлімшелерінің мүшелері қатысты.

Отырыста қоғамдық келісімді қамтамасыз ету және тұрақтылықты нығайту үшін ҚХА-ның жергілікті деңгейінде барлық өзекті мәселелерді нақты шешуге бағытталған қоғамдық келісім кеңесінің 2019 жылға арналған міндеттері мен жұмыс бағыттарын белгілеу, сонымен қатар этносаралық қатынастар саласында қоғамның мемлекеттік және азаматтық институттарының өзара іс-қимылының тиімділігін арттыруға қатысты бір топ мәселе қарастырылды.

Отырыста Қоғамдық келісім кеңесі төрағасының орынбасарлары бекітіліп, әлеуметтік-экономикалық және саяси бағыттар бойынша 10 жұмыс тобы анықталды. Әрбір сайланған орынбасар өз ұсыныстарын Алматы қаласы ҚХА ҚКК жұмыс жоспарына енгізді.

Алматы қаласы ҚХА хатшылығының басшысы Назар Балғымбаев Достық үйінің негізінде медиация кеңесімен бірлесе отырып өзекті мәселелер бойынша қоғамдық қабылдау өткізуді ұсынды.

Сондай-ақ, отырыс аясында этномәдени бірлестіктердің басшыларына этномәдени орталықтарды қоғамдық аккредиттеу мәселелері бойынша семинар өткізілді.

Ұқсас материалдар